September 6 2017
Unuh dweet me say unuh nuffi dweet
Unuh dweet me say unuh nuffi dweet
Nuh cause me live on the street
Out a rubbish bin me eat
Me clothes ever dutty
And me never smell sweet
You get up and a call me madman
Unuh dweet me say unuh nuffi dweet
Unuh dweet me say unuh nuffi dweet
A cause the system hard
And me never go abroad
Mek me don’t have a yard
Oh Lord
So why you get up and a call me madman
Unuh dweet me say unuh nuffi dweet
Unuh dweet me say unuh nuffi dweet
When me beg unuh a ten beg unuh a twenty
A cause me nuh eat and me belly empty
But is just a small change
A nuh plenty
So why you get and a call me madman
Unuh dweet me say unuh nuffi dweet
Unuh dweet me say unuh nuffi dweet
Stop box me, stop kick me
A God make you and a God make me
God love you and God love me
So don’t get up and call me nuh madman
Unuh dweet me say unuh nuffi dweet